Бүгін Бадам индустриялды аймағында жүргізілген инфрақұрылым желілерін меншікке қыбылдау, сенімгерлік басқаруға беру бойынша, жаңа инвест жобалар мен іске асырылып жатқан жобалардың мәселелері бойынша жиналыс өткізілді.
Жиналысқа аудан әкімі Азат Оралбаев, аудандық «Оңтүстік Жарық Транзит» ЖШС-нің бөлімше бастығы Нұрғали Сейілбеков, мердігер компания өкілдері, бөлім басшылары қатысты.
Сіздердің жобаларыңыздың іске асырылуы ауданымыздың әлеуметтік-экономикалық дамуына, бәсекелестік ортаның қалыптасуына, жаңа жұмыс орындарының ашылуына, жеке инвестиция көлемінің артуына, аудан бюджетінің кіріс көзінің ұлғаюына, өнеркәсіп саласындағы өңдеу өнеркәсібі өнімінің көлемінің артуына үлкен мүмкіндік береді.
Аудан әкімдігі тарапынан әкімшілік кедергілердің орын алуына жол бермеу, рұқсат беру құжаттарының рәсімдеу, шағын және орта кәсіпкерліктің дамуына мемлекет тарапынан берілетін жеңілдіктер мен қолдау тетіктерін дер кезінде ақпараттандыру және оны пайдалануда жобаларға сүйемелдеу жұмыстарын жүргізу басты мақсатымыз — деді, Азат Әбдіғалиұлы.
Аудан басшысы жаңа жобалармен тынысып, ұсыныстарын тыңдап, құрылысы жүргізіліп жатқан жобалардың негізгі мәселелерін тыңдап бірқатар мәселерді сала басшыларына шешу жолдарын қарастыру бойынша тапсырма берді.
Ордабасы ауданы әкімдігінің баспасөз қызметі
