Google жасап шығарған жасанды интеллект қандай да бір құралсыз-ақ аса жойқын апат тудыруы мүмкін су тасқынынын болжай алады екен. Қазіргі уақытта алтын стандарт болып табылатын GLOFAS деп аталатын ЕО-ның жаһандық су тасқынын болжау жүйесінің көптеген ғалымы мен сарапшысының қатысуы арқасында ғалымдар жасанды интеллектінің болжамды моделін жасаған. Google моделі топырақ типі, топография, спутник суреттері, ауа райы деректері сияқты жалпыға қолжетімді мәліметтерді пайдаланады. Содан кейін қай аудандарды су басуы мүмкін және су тереңдігі қанша болуы мүмкін екенін білу үшін жасанды интеллект мүмкіндігін іске қосады. Модель қазіргі уақытта сынақтан өткізілген. Содан кейін 5 680 су айдынының шолулары негізінде жақсартылған. Осы орайда әлемдегі озық жаңалықты Түркістан облысының тұрғындары мен қадірлі оқырман назарына ұсынып отырмыз.
Жалпы, Google компаниясы жасанды интеллект әзірлеу тұрғысынан үлкен жұмыстар атқаратын ойы бар сияқты. DeepMind бас директоры Демис Хассабистің айтуынша, алдағы уақытта компания ЖИ-ді дамытуға 100 млрд доллардан астам қаржы салуды жоспарлап отыр. Дамушы елдерде су тасқынынан сақтандыру өнімдерін жасауға көмектесетін технологияларды әзірлейтін Floodbase компаниясының бас ғалымы Бет Телман Google моделі GloFAS-қа қарағанда айтарлықтай жақсарғанын айтты.
«Егер болжам сенімді болса, онда оны адамдардың өмірін құтқару мақсатындағы эвакуация мен алдын ала ескерту үшін ғана емес, адамдардың өмірі мен мүлікті құтқаруға қатысты стратегиялық қаржыландыру бөлуге де пайдалануға болар еді»,– дейді.
Бұл ретте ол бірқатар мысал келтірді. Соның ішінде «ақшаны жануарларды эвакуациялау үшін пайдалану», «өзен бойына құм дорбаларын жинау», «оны үнемдеу үшін күрішті ерте жинау» немесе тіпті «су тасқыны болғанға дейін төмен бағамен бензин мен азық-түлік қорын қалыптастыру» сияқты әрекеттер бар.
