Түркістан қалалық орталық ауруханасында травматолог – ортопед дәрігерлердің тәжірибесін шыңдау және жаңа ота әдісін игеру мақсатында Астана қаласындағы травматология ортопедия ұлттық ғылыми орталығының жетекші травматолог — ортопед дәрігері А.Батырбеков және №1 Шымкент қалалық аурухананың тәжірибиелі травматолог — ортопед дәрігері Н.Естемесовтердің қатысуымен шеберлік сабағы өткізілді.
ҚР өнертапқышы, профессор Е.Жүнісов әдістемесімен минималды инвазивті жабық блоктаушы интрамедулярлық остеосинтез отасы «Ауыр көптеген сынық. Сол ұршық ұясы жабық сынуы,ішке енусіз. Сол қасаға- шонданай сүйектерінің түбінен жабық ығысқан сынығы. Сегізкөз сүйегінің көп жарқыншақты ығысқан жабық сынығы. Сол қол шыбық сүйегі төменгі метафизден жабық ығысқан сынығы. Бел омыртқа L1 денесінің компрессиялы 2-3 дәрежелі сынығы» диагнозымен ауруханаға жеткізілген 46 жасар Тараз қаласының тұрғынына жасалды.
Бұл ота түрі Түркия астанасы Стамбулда 3 рет, Астана, Шымкент қалаларында 3 реттен шеберлік сабағы шеңберінде сәтті өткізіліп 9 пациент өз аяғымен жүріп кеткен.
Науқастарға жоғары сапалы және нәтижелі травматологиялық көмектің осы әдісін әрі қарай дамытып, тұрақты енгізу мақсатында шеберлік сабақтары өзінің жалғасын табады.
