«Еңбек» нәтижелі жұмыспен қамту және жаппай кәсіпкерлікті дамыту жобасы аясында қаншама адам екі қолға бір күрек тапты. Бұл бағдарламаның шарапаты сайрамдық тұрғындарға да тиіп отыр. Табыс көзі ауыл шаруашылығы саналатын ауданда мемлекеттік грант ұтып, кәсібін дөңгелеткендер көп.
Сайрам ауданының тұрғындары үшін ағымдағы жылға 200 АЕК құрайтын 498 мемлекеттік грант есебі жоспарланған. Бүгінге дейін 169 грант кәсібін бастаймын деген ниеттілерге беріліп отыр. Оның 162-сі ауыл шаруашылығы саласына үлес қосқысы келетіндер. Кәсіпкерлік білімін дамытып, мемлекеттен грант ұтып алғандардың бірі – Батыржан Иманов. Ол аталмыш қаржымен егін саласын қолға алған. Үй ауласындағы алқаптан 2-3 өнім алуды көздеп отыр. Дегенмен, ол тұратын өңірде ағын су мәселесі бар. Сондықтан, ол ирандық тамшылатып суару әдісін орнатқан.
Батыржан Иманов – кәсіпкер
Бүгінде ауданда тамшылатып суару әдісі арқылы егін егіп, табыс көзіне айналдырған 10-нан астам отбасы бар. Алдағы уақытта олардың саны 200-ге жуықтайды, — дейді мамандар. Айтып өтейік, ауданда жалпы 26 азаматтың кәсіпкерлігіне 113 миллион теңге көлемінде шағын несие берілген.
