Жергілікті немесе ерікті кәсіпкерлердің қазіргі таңда туындаған жағдайға байланысты денсаулық сақтау саласына көңіл бөліп жатқандығы бәріне мәлім. Келес ауданында да бірқатар кәсіпкерлер ниет білдіріп қолдау көрсетуде. Келес аудандық орталық ауруханасына, Шымкент қаласында кәсіпкерлікпен айналысатын Ж.Ергабулов есімді азамат 120 қорап кір сабын, сонымен қатар, 100 дана оттегі баллонын (кислородный баллон) табыс етті. «Ауру ешкімді аяп жатқан жоқ. Мұндай жағдайға әрбір отбасыда тап болуы мүмкін. Кез-келген отбасында ауырып, жазылып жатқан адамды кездестіруге болады. Өкінішке орай, кейбірі тіпті ажал құшуда. Біз біріге отырып қана бұл ауруды жеңіп, талайды дерттен аман алып қала аламыз» — деп ниет білдірді Ж.Ергабулов ағамыз.
(с) Келес ауданы әкімінің баспасөз қызметі
