Келес ауданының әкімі Ақментай Есбаев Абай ауылында құрылысы жүріп жатқан бірнеше нысандарды аралады. Ең алдымен аудан әкімі, Абай ауылындағы Т.Рысқұлов көшесін күре жолға жалғайтын жолдың құрылысымен танысып, бірқатар сын ескертпелер айтып жолдың жан-жағындағы тазалыққа, сонымен қатар жолдың сапасын бақылауда ұстауды айтты.
Бұдан кейін, аудан басшысы Абай ауылы, Әзімбай ата көшесінің жол құрылысының жұмыс барысымен танысты. Осы ретте аудан әкімі көше тұрғындарымен кездесіп, пікірлерін тыңдап, мердігер және тиісті сала өкілдеріне «Бұл жұмыстардың барлығы халық игілігі үшін іске асып жатыр. Жоба аясындағы атқарылатын жұмыстар тұрғындар сұранысына сай болуы керек» — деп, күрмеулі мәселелерін талқылап, шешімін табуға және атқарылып жатқан жұмыстарда қолданылатын құрылыс материалдарының сапалы болуына көңіл бөлуді тапсырды.
Аудан орталығы Абай ауылында көркейту жұмыстары жаппай жүргізіліп жатыр, оған дәлел Т.Рысқұлов көшесімен Сатбаев көшесі қиылысында Ту тұғыр құрылысы жүргізілуде. Жан-жаны абаттануда. Аудан басшысы бұл құрылыс нысанын да назардан тыс қалдырмады. Ту тұғыры әр-бір адамға патриотизм және елге деген сүйіспеншілікті оятатын нысан болғандықтан, баннерге қазақтың ұлы ғұламаларының көрнекі сөздерін жазуды және жарықтандырылуына ерекше көңіл бөлуді айтты.
