Шардара ауданында бизнес идеяларын жүзеге асырып келе жатқандардың саны артып келеді деп хабарлайды qaraqalamnews.com тілшісі.
Оларға мемлекет тарапынан 505 мың теңге көлемінде қайтарымсыз қаражатты үлестіруде. Бұл жоба нәтижелі жұмыспен қамтуды жаппай кәсіпкерлікті дамытудың 2017-2021 жылдарға арналған еңбек мемлекеттік бағдарламасы аясында жүзеге асырылуда.
Құралбекұлы Бауыржан төрт ұлдың әкесі. Шағын бизнес пен айналысуды көздеген әкенің арманы біртіндеп орындалып келеді. Есігінің алдындағы шағын ғана жеріне жылыжай салып қызанақ, қияр сынды бақша өнімдерін егіп кәсібін өрге домалатып келеді. Жоба туралы теледидар естіген ол бірден құжаттарын жинап аудандық жұмыспен қамту бөліміне тапсырған. Сондай-ақ бұл жоба тұралы естіген тағы бір жан қайтарымсыз қаражатқа ие болған. Пластик өнімдерінен есік-терезелер құрап мол табысқа кенелуде. Мемлекеттің берген қаражатына қажетті құрал саймандарын сатып алып сүйікті кәсібі мен айналысуда. Тапсырысты өзі қабылдап өзі жеткізіп қондырып береді.
Биылғы жылдың басынан аудандық жұмыспен қамту бөлімі өз ісіне кіріскен. Кәсіппен айналысамын деген 105 адамның өтініш қанағаттандырылған. Еліміздегі төтеншежағдайға байланысты онлайн оқыту жүйесімен оқытылуда. 
