Түркістан облысы қоғамдық даму басқармасының діни бірлестіктермен жұмыс бөлімінің басшысы болып Жүсіпбек Сүндет Жәнібекұлы тағайындалды деп хабарлайды https://saraptimes.kz сайтының тілшісі.
Сүндет Жәнібекұлы 1989 жылы Түркістан облысы, Сарыағаш қаласында дүниеге келген. Жоғары білімді.
2011 жылы М. Әуезов атындағы Оңтүстік Қазақстан мемлекеттік университетін есептеу техникасы және бағдарламалық қамтамасыз ету мамандығы бойынша тәмамдап, 2013 жылы Аймақтық әлеуметтік — инновацялық университетін қаржы (экономика және бизнес) мамандығы жоғары білім алған. 2020 жылы Аймақтық әлеуметтік-инновацялық университетін құқықтану (заң ғылымдарының магистрі) мамандықтары бойынша аяқтаған.
Еңбек жолын 2011 жылы М. Әуезов атындағы Оңтүстік Қазақстан мемлекеттік университетін құрылғылармен техникалық қамтамасыз ету бөлімінің маманы болып бастаған.
2014-2017 жылдары Сарыағаш ауданы ішкі саясат бөлімінде бас маманның міндетін уақытша атқарушы, бас маман, 2017-2019 жылдары Оңтүстік Қазақстан облысының дін істері басқармасының бас маманы, Түркістан облысының дін істері басқармасының бас маманы болып жұмыс істеген.
2019-2020 жылдары Түркістан облысының дене шынықтыру және спорт басқармасы мемлекеттік мекемесі ұйымдастыру-құқықтық жұмыстар бөлімінің бас маманы қызметтерін абыроймен атқарған.
