ШАРДАРА: ҚАЛА КӨШЕЛЕРІ ЗАМАНҒА САЙ ЖАҢАРУДА

Аудан әкімдігінің ұйымдастыруымен, қала ішіне ұзындығы 19,86 шақырымды құрайтын тоғыз көшеге жолдардың жүру бөлігі мен жаяу жүргінші өткелдерін сызу, жол белгілерін орнату және жасанды тегіс еместік (лежачий полицейский) жасау бойынша қарқынды жұмыс жүргізілуде. Сондай-ақ, көлік жиі жүретін көшелердің бетіне дыбыстық ескертпе (шумобой) белгісі мен он екі көшенің бойында орналасқан мектеп, балабақша, саябақ және басқа да жаяу жүргінші көп өтетін нысандардың тұсына тегіс еместік (лежачий полицейский) орналастырылады. Сонымен қатар, жаяу жүргінші өткелі мен оның белгісі (знак) бірнеше қоғамдық нысандар орналасқан көше бойларына қойылуда. Жұмыс сапасы басты назарға алынып, жолда жүру бөлігін айыратын жолақтар шыны жарық шағылыстырғыш микорсфералар қосылған арнайы қоспа арқылы сызылуда. Алдағы уақытта әкімдік тарапынан қала ішін көркейті тұрғысында заманауи инфрақұрылымға сай көптеген жұмыстар атқарылатын болады.