Шардара ауданына қарасты N15 өрт сөндіру бекетінің мамандары мен белсенді жастар бірлесе отырып қысқы жылыту маусымына байланысты аудан тұрғындарымен кездесіп түсіндірме жұмыстарын жүргізді деп хабарлайды qaraqalamnews.com тілшілері. Ондағы басты мақсат қатты және сұйық отындарын пайдалану кезеңінде улану факторларын болдырмау, сақтық шараларын мейлінше тиімді пайдаланып өрттен келетін қатердің алдын алу. Күз келіп күннің көзі салқын түсісімен қыстың қамына кірісетініміз анық. Жағар отынымызбен көмірімізді сатып алып тас түйін дайын отырамыз. Алайда сақтықтық шараларын ұмытып қатты оттыннан улану деректері тіркеліп жатады. Осы деректерді болдырмау мақсатында Шардара ауданына қарасты N15 өрт сөндіру бекетінің мамандары аудан жастарымен бірлесіп тұрғындарға түсіндіру жұмыстарын жүргізді. Аудан халқының тоқсан пайызы қыста қатты отынды пайдаланады. Сол себебті қатты отыннан улану факторлары туындауы мүмкін. Сондықтан да тұрғындардың сала мамандарының сөздеріне құлақ түріп жақындарымен өз денсаулығы үшін қауіпсіздік шараларын пысықтаған жөн. Қуантарлық жайт былтырғы жылыту маусымы кезеңінде ауданда көмір қышқыл газынан улану факторлары тіркелмеген. Осы тұрақтылықты сақтап қалу үшін сала мамандары күнделікті түсіндірме жұмыстарын үздіксіз жүргізіп келеді.
