Мемлекет басшысының бұқаралық және балалар спортын дамыту бойынша берген тапсырмасына сәйкес, Түркістан облысы, Сарыағаш ауданында балалар ойын алаңшалары салынып жатыр.
Биыл Сарыағаш қаласындағы Қасымбеков көшесіндегі №3 және №4 көпқабатты тұрғын үйлер ауласына және Ы.Көшербай көшесі №3 тірек пункті алдына жалпы 946 шаршы метр жерге балалар ойын алаңшасы орнатылды. Аталған құрылыс жұмыстарын «Artd group» ЖШС жүргізді.
Қазіргі таңда аулаларда заманауи ойын элементтері орнатылып, балалардың қауіпсіздігі үшін ойын алаңшаларының едендеріне резеңке жабын төселді. Сонымен қатар әткеншектер, құмсалғыш, айналмалы жылқы ойын элементтері және жеңіл атлетикаға арналған көлденең жолақтар орнатылды. Балалар алаңшасы балалардың бос уақытын тиімді өткізуге және спортты дамытуға мүмкіндік береді.
Түркістан облысы әкімінің баспасөз қызметі
