Үш адамның өмірін жалмаған жарылыс

Шымкенттегі жойқын жарылыстан қаза болғандардың саны үш адамға жетті. Перзентханада 18 күн бұрын дүниеге келген нәресте мен нысанның 43 жастағы күзетшісі оқиға орнында қайтыс болды. Денсаулық сақтау министрлігінің ақпаратында тағы бір жұмысшының ауыр жарақат алып, ауруханада көз жұмғаны айтылды. Аталған жағдайға байланысты сот сараптамасы тағайындалып, өрт қауіпсіздігі ережелерін сақтамау бойынша тергеп-тексеру жұмыстары жүріп жатыр. Жарылыстың жойқын болғаны соншалық төңіректегі тұрғын үй мен жеті автокөлік бүлінді. Алдын — ала болжам бойынша жарылыс дәрі-дәрмек шығаратын дәріханадағы химиялық қоспалардан шығуы мүмкін. Бірақ оқиғаның нақты себеп-салдары, тергеп-тексеру амалдарынан кейін белгілі болады. Аталған жағдайға байланысты Еңбекші аудандық полиция бөлімінің қызметкерлері сотқа дейінгі тергеуді бастады. Өрт қауіпсіздігі ережелерін сақтамау дерегі бойынша қылмыстық іс қозғап, сот медициналық сараптамасы тағайындалды.