Түркістан облыстық балалар ауруханасына Сарыаағаш қаласынан 13 жасар қыз баласы жеткізілген. Ауыр халдегі пациенттің түскен кездегі шағымдары: қимыл қозғалысының шектелуі (өздігінен жүре алмауы), аяқ- қолдарының салдануы(парезі). Жамбас қуысының функциясының бұзылыстары ( зәрдің болмауы, үлкен дәретке бара алмауын).
Жағдайының ауырлығына байланысты науқас жедел түрде жансақтау бөліміне жатқызылған.
Бұл жағдай өте қауіпті және шұғыл медициналық араласуды қажет етеді.
Жоғары технологиялық тексерулер өткізген(МРТ бас миына және омыртқа жотасына) дәрігерлер науқасқа “жедел таралған энцефаломиелит” диагнозын қойған.
Мұндай сирек кездесетін неврологиялық бұзылыс көбінесе вирустық немесе бактериялық инфекциядан ауырып өткеннен кейін 7-14 күнен кейін пайда болады дейді мамандар.
Дер кезінде сырқаты анықталған науқасқа дәрігерлер иммуномодуляторлар, қабынауға қарсы препараттар емін жасаған. Нәтижесінде емделушінің денсаулық жағдайы жақсарып, барлық бұлшықеттер күші қалпына келтіріп, қимыл-қозғалысы қалыпқа келе бастады.
Аяқ қолы салданып қалған жасөспірімге Түркістан облысының штаттан тыс бас балалар неврологы Әлібаев Әбілқайыр және жансақтау бөлімінің меңгерушісі Абетаев Нұрлыбек емдеу шараларын жүргізіп, оң нәтиже берді.
Осылайша Түркістан облыстық балалар ауруханасының дәрігерлері науқас өмірін құтқарып, оны қалыпты өмірге қайтару арқылы өзінің жоғары біліктілігі мен іскерлік қабілетін көрсетті.
