Бүгін «Nur Otan» партиясы Түркістан облыстық партия филиалының кестесіне сәйкес, облыстық филиал төрағасының орынбасары Полат Тұрсынбаев, облыстық мәслихат депутаты, облыстық филиал жанындағы партиялық бақылау комиссиясының мүшесі Алмас Алтайұлы Салимов, партияның Келес аудандық филиалы төрағасының бірінші орынбасары Ахмет Жұмабеков, Келес ауданы әкімінің орынбасары Алмас Сексенбаев, ауданның ішкі саясат, мәдениет және тілдерді дамыту бөлімінің басшысы Дәурен Илесов, «Келес адалдық алаңы» жобалық кеңсесінің жетекшісі Ернар Бектаевтар болып Абай ауылындағы дәріханаларда санитарлық нормалардың сақталуы, дәрілік заттардың өткізілуі және шектік бағаның сақталуына мониторинг жұмыстарын жүргізді.
Мониторинг барысында «Nur Otan» партиясы Келес аудандық филиалының «Jas Otan» ЖҚ төрағасы Ернар Бектаев жетекшілік ететін «Келес адалдық алаңы» жобалық кеңсе мүшелерінің атқарған жұмыстары оң байқалды.
Атап айтқанда барлық дәріханаларда «Келес адалдық алаңы» жобалық кеңсесінің «Уатсап» желісіндегі сенім телефоны, әлеуметтік желілердегі парақша сілтемелері және бірінші кезекте қажетті деп табылған 102 дәрі-дәрмектің тізімі мен шекті бағалары ілінген.
Мониторинг барысында дәріханаларда санитарлық нормалар сақталғаны, қажетті дәрі-дәрмектердің 90%-ы сатылымда барлығы, кейбір дәрі-дәрмектер жеткізушілер тарапынан келмей жатқаны, дегенмен ол дәрілердің орнын алмастыратын дәрілердің бар екендігі, сонымен қатар дәрі-дәрмектердің шекті бағалары негізінен сақталғаны байқалды.
