Төлеби ауданында карантиндік шараларды күшейту мақсатында құрылған мобильді топтар аудан аумағында карантиндiк режим талаптарының сақталуы мен сақтық шаралары бойынша жүйелі түсiндiру жұмыстарын жүргізуде.
Осы ретте бүгін Алатау ауылдық округі аймағындағы демалыс орындары мен қымыз сату орындарына арнайы тексеру жұмыстарын жүргiзілді. Тексеру барысында 14 демалыс аймағы мен қымыз сату орындары қамтылды. Тау Самалы демалыс аймағындағы демалушылар үйлеріне қайтарылуда. Айта кетері, карантин талаптарын бұзғаны үшін 7 сәйкес емес актісі толтырылып, 7 жеке тұлғаға әкімшілік хаттамасы толтырылды. Сонымен қатар 3 демалыс аймағының әкімшілеріне демалушыларды қабылдағаны үшін түсініктемелер алынып, айыппұл салу үшін аудандық тауарлар мен көрсетілетін қызметтердің сапасы мен қауіпсіздігін бақылау басқармасы тарапынан хаттамалар түзілді.
Қазіргі таңда елімізде пандемияға байланысты қалыптасқан жағдай барлығымызға белгілі. Жағдайдың тұрақталуы үшін індетпен бірлесіп күресуіміз қажет. Құрметті аудан тұрғындары сіздерді карантиндік режим талаптарын сақтауға шақырамыз!
Төлеби ауданы әкімінің баспасөз қызметі
