ШАРДАРА: ДӘРІХАНАЛАРҒА БАҚЫЛАУ ЖҮРГІЗУ БАРЫСЫНДА КЕМШІЛІК АНЫҚТАЛДЫ

21.07.2020 жыл сағат 16-00-дер шамасында аудан прокуратурасының қызметкерлері дәрі-дәрмектерді шекті бағадан асырып сату декертерін анықтау мақсатында дәріханаларды аралаған болатын. Нәтижесінде, Шардара қаласы Орталық базар маңындағы жеке кәсіпкер «Сабырбекова» дәріханасында «Азитромицин» 500 мг 1500тг, және «Аспирин кардио» 100 мг 1400 тг қымбат бағамен сатып жатқандығы анықталды. Ал, Денсаулық сақтау министрінің міндетінатқарушының 2019 жылғы 19 сәуірдегі№ ҚР ДСМ-42 бұйрығына өзгерістер енгізу туралы ҚР ДСМ м.а. 2020 жылғы 17 маусымдағы № ҚР ДСМ -68/2020 бұйрығына сәйкес, «Азитромицин» 500 мг шектік мәні 1083,32 теңге және «Аспирин кардио» 100 мг 1270,98 теңге құрайды. Яғни, кәсіпкер аталған дәрілерді біршама қымбат бағамен сатып жатқандығы белгілі болды.
Оқиға орнына аудан әкімдігінің жанынан құрылған мониторинг тобы және ауданды ішкі істер қызметкерлері келіп, фото және видеоға түсірілді. Аталған дерек АПБ –нің АЕК –не 21.07.2020ж № 2051640300001845 санымен тіркеліп, жинақталған құжаттар бойынша тиісті шешім қабылдану сатысында. Аудандағы дәріханаларға тиісті мониторингтік жұмыстар жалғасуда.