ТҮРКІСТАН: ШАРДАРАЛЫҚ КӘСІПКЕРЛЕР 17 ОТТЕГІ КОНЦЕНТРАТОРЫН СЫЙҒА ТАРТТЫ

Аудан әкімдігінің ұйымдастыруымен, аудан кәсіпкерлерінің демеушілігімен Шардара аудандық орталық ауруханасы тағы 17 оттегі концентраторымен толықты. Қазіргі кезде аудандық орталық ауруханасында барлығы 20 оттегі аппараты науқастардың денсаулығын жақсарту үшін жұмыс жасауда. Алдағы уақытта тағы да оттегі аппараттарының санын көбейту көзделіп отыр. Әдеттегі оттегі балонынан әлдеқайда тиімді және өнімді бұл аппаратқа қол жеткізген орталық аурухана ұжымы, әсіресе сондағы науқастар өз қуаныштарын жасырмай, ізгі іс істеген барша азаматтарға өз алғыстарын білдірді.