БИЫЛ 1-СЫНЫПҚА ҚАДАМ БАСАТЫН БАЛАЛАР САБАҚТЫ МЕКТЕПКЕ БАРЫП ОҚИДЫ.

«Бұл ретте, әліппені ұстаз көмегімен үйрену маңызын ескере, бір сыныпта 5-10 баладан аспайтындай ете арақашықтық сақтап, бетперде, антисептик қолдана, білім беретін боламыз. Ол үшін сыныптар жеткілікті. Себебі, басқа сынып оқушыларының барлығы қашықтықтан оқитын болады», — деген Р. Аюпов, 1 қыркүйектен бастап қоғамдық көлік қозғалыс барысына оқушылардың сабақ кестесіне байланысты өзгеріс енгізіле қызмет жасайтынын мәлім етті.
⠀Сонымен қатар, интернеті нашар аумақтарда, ғаламтор күшін көтеру үшін құзырлы мекемелермен келіссөздер жүргізілуде. Жағдайы төмен отбасылардың мектепте оқитын балаларын компьютермен қамтамасыз ету мақсатында жергілікті және республикалық бюджеттен қаржы қаралуы үшін сұраныс жіберілді.
⠀Одан өзге, мектеп директорларының рейтингісі анықталады. Ол үшін мектеп оқушылары, ата-аналар «Online Mektep» платформасы арқылы дауыс бере алады. Мектепке жұмысқа кіру де онлайн түрде жүзеге асырылады. Рашид Абатұлы мектептердің барлығы бір деңгейде болып, «орта мектеп», «гимназия» деп бөлмес үшін, рейтинг жасаудың маңызы зор екенін алға тартты.