ШАРДАРА: АУДАН ӘКІМІНІҢ ОРЫНБАСАРЫ БАСПАНАЛЫ БОЛҒАН ОТБАСЫН ҚҰТТЫҚТАП ҚАЙТТЫ

Облыс әкімі Ө.Шөкеевтың бастамасымен қолға алынған «Қамқорлық» бағдарламасы аясында ауданымызда 12 отбасы баспаналы болған еді. Соның бірі- тума мүгедектіктің зардабын тартып келе жатқан Данияр Нысанбаев. Өткен айдың ішінде аудан әкімдігінің ұйымдастыруымен, «Шардара» мектеп-лицейінің 20 жылдық түлектерінің демеушілігімен, I-топ мүгедегі 3 баланың әкесі Нысанбаев Даниярға қала орталығынан баспана тарту етілген болатын. Бүгін, мұқтаж отбасының үйіне құтты болсын айтып барған, аудан әкімінің орынбасары Б. Шомпиев, қала әкімі Е.Бекет, аудандық орталық мешітінің бас имамы А.Қасым және аудандық мүгедектер қоғамының басшысы Қ.Ерназаровтар барып, тоңазтқыш пен кілем сыйлап, қам көңіл жандардың қуанышын бөлісіп, тағы да басқа қажеттіліктеріне көмектесетіндіктерін айтып өтті.