ШАРДАРА: АУДАНЫМЫЗ ОБЛЫС КӨЛЕМІНДЕ БАУ-БАҚША ӨНІМДЕРІН ЭКСПОРТТАУДА АЛДЫҢҒЫ ҚАТАРҒА ШЫҚТЫ

Облыс бойынша ауданымыз бау-бақша өнімдерін шет мемлекетке экспорттау бойынша алдыңғы қатарға шықты. Жарты жылдықта бақша өнімнін экспорттау 34000 мың тоннаға жетті. Бұл көрсеткіш жыл соңына дейін жалғасып , өнім жинау жүргізіліп жатқандығы тағы бар. Облысымыздағы Мақтаарал,Сарыағаш, Сайрам және Жетісай секілді аудандары бақша өнімдерін шетке шығаруға машықтанған өңірлер болып саналады. Дегенмен, Шардара ауданы бұл тұрғыда биылғы жарты жылдықта экспорт көлемінен үздік үштіктің қатарына еніп үлгерді. Айта кетерлігі, ағымдағы жылы ауданда 59300 гектар аумаққа ауылшаруашылығы дақылдары егіліп, жылдан-жылға бақша және мал азығы саналатын дақылдарды егу мен оған деген сұраныс едәуір өскендігі байқалады.