Бүгін мемлекет басшысы Қ.Тоқаев өзінің кезекті «Жаңа жағдайдағы Қазақстан: іс-қимыл кезеңі» тақырыбында Қазақстан халқына арнаған Жолдауын жариялады.
Аталған Жолдауды теледидардан көріп, зор ықыласпен қабылдадым.
Президентіміз Жолдауы жер жаһанға зор қауіп төндірген, пандемия белең алып тұрған уақытта мемлекетіміздің экономикалық тұрғыдан мығым болуына, мәдени-рухани дамуына және халықтың тұрмыс жағдайын жақсартуға бағытталған деп есептеймін.
Қасым-Жомарт Кемелұлы өзінің Жолдауында еліміздің жаңа экономикалық бағыты жеті негізгі қағидатқа негізделуі тиіс екенін атап өтті.
Сондай-ақ, Жолдауда Республика Президентіне тікелей бағынатын стратегиялық жоспарлау және реформалар Агенттігін құру, мемлекеттік қызметшілердің санын екі жылда жиырма бес пайызға қысқарту арқылы олардың жалақысын көтеру, сыбайлас жемқорлыққа қарсы күрес жұмысын күшейтуді тапсырды.
Қазіргі таңда еліміздегі карантиндік жағдайдағы білім беру және медицина саласында реформалау жұмыстарын жүргізу. Материалдық-техникалық базаларды жақсарту және келесі жылдан бастап мұғалімдердің жалақысын жиырма бес пайызға, медицина қызметкерлерінің жалақысын екі есе көбейту өте дұрыс шешім деп ойлаймын.
Ендігі жерде мемлекет басшысының Жолдауын толықтай қолдай отырып, баршаңызды Жолдауды жүзеге асыру бағытында еңбек етуге шақырған болар едім.
Зейнедилова Ұлдықыз
Шардара аудандық Аналар кеңесінің төрайымы.
