Өткен аптада облыс әкімі Өмірзақ Естайұлы жалпы ұзындығы 221 км құрайтын республикалық маңызы бар А-15 жолымен жүріп, жөндеу жұмыстарының сапасын қатты сынға алды және атқарылған жұмыстардан мүлдем көңілі толмады. Өйткені, аталған жолдар бойында жалпы 700 мыңға жуық халық тұрады және бұл жолдар оларға өте ыңғайсыз.
Сондықтан, бүгін Автомобиль жолдары комитетінің төраға орынбасары Абдуллин Т. басшылығындағы жұмыс тобы және жөндеу жұмыстарын тапсырыс беруші “Казавтожол” ұлттық компаниясы басқарма төрағасының орынбасары Смағұлов Т. мен бірге Жетісай ауданына дәл осы жол арқылы барып, жөндеу жұмыстарымен таныстық.
Қазіргі жол жағдайы ыңғайсыз, республикалық маңызы бар жолдың техникалық жағдайы қанағатсыз екеніне, сондай-ақ жөндеу барысы графиктен артта қалып қойғандығына көзіміз жетіп, тез арада бұл жағдайды реттеуге кірісіп кеттік.
Ең бірінші, жұмыс барысын жүйелендіру мақсатында жолдарды жөндеу бойынша жол картасын әзірледік, алдағы уақытта барлық мәселелер тұрақты бақылауда болмақ. Жөндеу жұмыстары басталғанға дейін тапсырыс беруші бірнеше күннің ішінде барлық шұңқырларды жамайтын болады.
Айта кетейін, Жібек жолыдан басталып Жетісайда аяқталатын жолдың 4 учаскесінде, 77 км ұзындықта жөндеу жұмыстары жүргізілуде.
Ұзындығы 25 км Азаттық-Қызыласкер учаскесіндегі жөндеу жұмыстарын «Adal Construction Group» ЖШС жүргізуде және 5 қазанға дейін қолданысқа тапсырылады.
Ал, «ПК «Шымкентдорстрой» жалпы ұзындығы 45 км жолға жөндеу жұмыстарын жүргізуде. Жұмыстар 15 қазанға дейін аяқталатын болады.
Сонымен қатар, 4 қатарлы 102 км Келес және Сарыағаш аудандарынан айналма жол құрылысы мәселелерін де жан-жақты талқыладық.
Алдағы уақытта жоғарыда аталған мәселелердің барлығы қатаң бақылауда болмақ.
