«Nur Otan» партиясы Мақтаарал аудандық филиалы мен «Jas Otan» жастар қанатының ұйымдастыруымен Мақтаарал ауданындағы аз қамтамасыз етілген және көпбалалы отбасы балаларының мектеп бағдарламаларына қатыспауын болдырмау, сабақтарына толық қатысуларын қамтамасыз ету мақсатында дәстүрге айналған «Мектепке жол» Республикалық акциясын өткізді. Акция барысында мектеп оқушыларына сабаққа қажетті оқу құралдары, кітап-дәптерлері мен қалам-сөмкелерін топтастырып табыс етті.
Сонымен қатар, «Nur Otan» партиясы Түркістан облыстық филиалының бастамасымен пандемияға қарсы күресті күшейту мақсатында қолға алынған «Шипа» жобасы аясында дәрі-дәрмек қобдишалары Мақтаарал ауданына жеткізілді.
«Nur Otan» партиясы фракциясының депутаттары мен кәсіпкерлердің демеушілігімен алынған дәрі-дәрмек қобдишалары Мақтаарал аудандық «Жастар ресурстық орталығы» КММ еріктілері арқылы аудандық аурухананың берген тізімі бойынша аурухана дәрігерлерімен бірге аудандағы мұқтаж отбасына жеткізіп берілді.
«Nur Otan» партиясының Түркістан облыстық филиалы қолға алған «Өмір» және «Шипа» жобаларының мақсаты қайырымдылық негізде өңірдегі ауруханаларға жасанды тыныс алу аппараттарымен және мұқтаж отбасыларды дәрі-дәрмектермен қамтамасыз ету.
Осындай қиын сәтте халықтың осал тобына қол-ұшын берген партияның мәслихаттардағы фракция мүшелеріне, соның ішінде ауданымыздан сайланған облыстық мәслихат депутаттарының ерен еңбегіне елдің алғысы шексіз.
