2021 жылдың 11-мамыр күні 1981 жылғы жергілікті тұрғын қала аумағындағы ауылдардың бірінде қой бағып жүрген кезінде гранатаға ұқсас затты тауып алған. Кейін болған жағдайды Шымкент ҚПД Еңбекші ауданы Полиция басқармасының кезекші бөліміне хабарлап айтқан.
Аталған хабарлама бойынша Еңбекші АПБ-ның полиция қызметкерлері шақырту болған жерге шұғыл барды. Тексеру барысында тәртіп сақшыларымен қара түсті граната анықталып, қоршауға алынып залалсыздандырылды.
Құрметті тұрғындар! Полиция департаменті жарылғыш затты тапқан кезде одан алыстап, ықтимал қауіп туралы айналадағы азаматтарға ескертіп, дереу полицияға «102» телефоны бойынша хабарлауға кеңес береді.
Шымкент қаласы Полиция департаментінің Баспасөз қызметі
