Түркістан облысы Арыс қаласында қымыранды құрғақтай дайындайтын кәсіпорын іске қосылмақ.
Бүгінде «King Milk» ЖШС түйе сүтін өңдеп, одан құрғақ сүт өндіретін цех құрылысы аяқталуға жақын. Қала әкімі Гүлжан Мамытқызы кәсіпорын жұмысымен арнайы танысып, жобаның өңір үшін маңыздылығын айтып өтті. — Қаламызға инвесторлар тарту жұмыстары жалғасуда. Пайдалануға берілгелі отырған цех жаңа жұмыс орындарының ашылуына, Арыстың дамуына өз үлесін қосады. Арысқа келіп инвестиция салып жатқан азаматтарға біз қолымыздан келгенше қолдау көрсетуге әрқашан да дайынбыз, — деді Гүлжан Мамытқызы.
