«Whats App» арқылы 5 облыстың тұрғындарын алдап, ақшаларын алып келген алаяқ ұсталды.
Түркістан қалалық полиция басқармасына арызданған жергілікті тұрғын алаяқтықтың құрбаны болғандығын жеткізген. Арызында танымайтын әйел «Whats App» арқылы «Криптовалюта» атты топ құрып, ақшаңды еселеп беремін деп алып, қайта қайтармай қойғанын көрсеткен. Алаяқ жәбірленушіден бас-аяғы 200 000 теңгеге жуық ақша алған. Жүргізілген жұмыстардың нәтижесінде күдікті әйел тәулік ішінде анықталды. Ол жасы 30-дан асқан Түркістан қаласының тұрғыны болып шықты. Тергеу барысында күдікті 17 тұрғынды желі арқылы алдап, ақшаларын алғаны анықталды. Әйелдің құрбандары Түркістан, Алматы, Жамбыл, Шығыс Қазақстан, Қызылорда облыстарының тұрғындары. Олар алаяқтың жалған сөзіне сеніп, бірнеше реттен 5 000 – 200 000 теңге аралығындағы ақшаларын аударып отырған. Жәбірленушілерге келтірілген шығын көлемі 2 миллионнан асады. Қазіргі уақытта күдіктіге қатысты іс сотқа жолданды.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/turkistandyk-turgyn-whats-app-arkyly-5-oblystyn-turgyndaryn-aldap-aksha-alyp-kelgen_a3893618
