Сенат депутаттары жастармен кездесті деп хабарлайды saraptimes.kz. Қазақстан Республикасының Парламент Сенатының депутаттары Әли Бектаев пен Әлімжан Құртаев академик Әбдімұса Қуатбеков атындағы Халықтар Достығы Университетінің ұжымымен және студент жастармен кездесті. Жастармен кездесуге келген Сенат депутаттары жуырда Қазақстан қоғамында болатын саяси оқиға – жалпы халықтық референдумға тоқталып, Мемлекет басшысының бастамасымен жүзеге асырылып жатқан саяси реформаларға кеңіннен түсіндіріп өтті. Іс-шара Конституциялық реформалар бойынша республикалық референдумның маңыздылығын түсіндіруді мақсат өткен. Жиында сенаторлар Конституцияға енгізілген өзгерістер мен толықтырулардың мән-маңызына тоқталып, оқытушылар, жастардың сауалдарына жауап берді. – Тәуелсіздіктің 30 жылдығында толайым табыстарға жеттік. Алдағы бүкілхалықтық референдумның мақсаты – жаңа қоғам, Жаңа Қазақстан құру. Конституцияға өзгеріс енгізу халықтың тұрмыс-тіршілігіне, халықтың әл-ауқатының артуына тікелей қатысты. Бұл орайда ел азаматтарының санасы жаңғыруы қажет. Жастар білімді, елжанды азамат болуы тиіс, – деді ҚР Парламент Сенатының депутаты Әли Бектаев. Сондай-ақ, Әлімжан Құртаев әрбір азаматқа еліміздің болашағын айқындайтын тарихи оқиғаның мәні зор екенін, қоғамдық-саяси іс-шарада белсенділік танытуға шақырды. Жиын соңында Қазақстан Республикасының Парламент Сенатының депутаттары Әли Бектаев пен Әлімжан Құртаевқа жастар көкейдегі толғандырған сауалдарын қойды. Сенат депутаттары оқу орнының материалдық-техникалық базасымен танысып, студенттердің көрмесін аралады. Алдағы уақытта Қазақстан Республикасының Парламент Сенатының депутаттары Әли Бектаев пен Әлімжан Құртаевтың Шымкентке жасаған сапары жалғасатын болды.
