Шымкентте өрт сөндіру ғимараты сүріліп, орнына жаңасы салынатын болды. Себебі 70 жылдық тарихы бар көне нысан қауіпсіздік талаптары мен заман ағымына сай келмейді. Десе де бүгінге дейін мұнда орналасқан №3 өрт сөндіру бөлімінде 62 қызметкер жұмыс істеп келді. Тозығы жеткен ескі ғимаратқа 2020 жылдың сәуір айында талдау қорытындысы шықты. Сарапшылар пайымдауынша, сәулет өнерінің тарихи маңыздылығын сақтауға ешқандай негіз жоқ. Мамандар жобалау-сметалық құжаттарды дайындау кезінде орналасқан жері мен оқыс жағдайда жедел әрекет ету мүмкіндігі ескерілгенін айтады. Жоба бойынша жаңа нысан жыл соңына дейін пайдалануға берілуі керек.
(( МАДИЯР ЖАҚСЫБАЕВ, ҚАЛАЛЫҚ ТӨТЕНШЕ ЖАҒДАЙЛАР ДЕПАРТАМЕНТІНІҢ БАСШЫСЫ
— 1938 жылы жалпы жер бөлініп, сол кезде әскериленген өрт сөндіру бөлімдерін құру бойынша жер бөлінген. Сонымен қатар 80- жылдары жалпы №3 өрт сөндіру бөлімінде қалалық орталықтандырылған басқару пункті болған. Құдай қаласа 7-8 айдың ішінде жаңа заманға сай ғимарат салынады.
