«ШИПА» ЖОБАСЫ БОЙЫНША 30 ОТБАСЫНА ДӘРІ-ДӘРМЕК БЕРІЛДІ

«Nur Otan» партиясының Түркістан облыстық филиалы пандемияға қарсы күресті күшейту мақсатында «Өмір» және «Шипа» жобаларын жүзеге асыруды қолға алған болатын. «Шипа» жобасы арқылы орта деңгейдегі дәрі — дәрмектер қобдишасын дайындап, оны қала — ауылдағы үйінде ем қабылдап жатқан әлеуметтік жағдайы төмен және де аз қамтылған көпбалалы отбасыларға тарату көзделген болатын. Бүгін Түркістан облыстық мәслихатының депутаты, «Nur Otan» партиясы фракциясының мүшесі А.Салимовтың демеушілігімен және өзінің тікелей қатысуымен аудандық жастар ресурстық орталығының еріктілері мен медицина саласының қызметкерлері 30 мұқтаж отбасына дәрі-дәрмек қобдишасын таратып берді. Дәрі-дәрмек қобдишасын алған азаматтар өз ризашылықтарын білдірді. Ем қабылдап жатқан азаматтарға шипасын берсін дейміз.