Ағымдағы жылдың 23 шілде күні, Түркістан облысы Қоғамдық денсаулық сақтау басқармасына Түркия мемлекетінен келген гуманитарлық көмекке мониторинг жұмыстары жүргізілді. Аталған мониторингтік жұмыстарына ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің басшысының бірінші орынбасары Мирас Қарғабай, Превенция басқармасының басшысы Ғ.Жүндібаев, «Түркістан–адалдық алаңы» жобалық кеңсесінің менеджерлері, Арнайы мониторингтік топ мүшелері мен қоғам белсенділері және БАҚ өкілдері қатысты. Мониторинг жұмыстарының барысында Түркия мемлекетінен келген гуманитарлық көмектер тізім бойынша тексеріліп орналастырылды. Атап айтқанда, гуманитарлық көмек тізімінде (медициналық қорғаныш комбинезоны 2000 дана, медициналық маска 3000 дана, медициналық қорғаныш экрандары 100 дана, гидроксихлорохин таблеткалары 600 дана). Келген әрбір гуманитарлық көмеке Департамент тарапынан арнайы тегін екендігін білдіретін мөр қойылады. Айта кетсек, 24 шілде күні Түркия мемлекетінен келген гуманитарлық көмек Түркістан облысының қала/ауданда орналасқан емханаларына қажеттілігіне қарай жеткізіледі және ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің бақылауында болады.
