Жетісай ауданы «Ынтымақ» ауылдық округі «Талапты» ауылының тұрғыны » Алтын» шаруа қожалығының төрағасы Ауашов Қуанышбек. Өзінің иелігіндегі 15 гектар аумақтың бүгінгі таңда 5 гектарын арнайы терім машинасымен жинап, одан 11 тоннадай өнім алып үлгерген.
» Биыл мақта жинауды ертерек бастап отырмыз. Бұл өз кезегінде өнімді жерде қалдырмай толық жинап алуға өз септігін тигізеді. Арнайы комбайнмен мақтаны жинау қол теріміне қарағанда тиімді. Бұйырса алдағы 2-3 күнде бірінші терімді толық жинап боламыз» дейді шаруа қожалығының төрағасы Қуаныш.
» Ынтымақ ауылдық округінің жалпы жер көлемі 6683, 5гектарды құрайды. Оның ішінде 4664 гектарына мақта егілген. Биылғы меже өнімді жерде қалдырмай толық жинап алу. Бұйырса мол өнім аламыз деп отырмыз. Аудан әкімінің тапсырмасына сәйкес округте 20 комбайн мақта терім науқанына дайын тұр» дейді ауыл әкімі Марат Жұрқабаев.
Естеріңізге сала кетейік, биыл жалпы Жетісай ауданы бойынша 48943, 8 гектарды құрайды.
