Бүгін ауданның «Нұрсәт» шағынауданында және «Сайрам» тұрғын алабының көшелері мен аулаларында, аялдама бекеттерінде қарқынды тазалық жұмыстары жүргізілді.
Ауданда тұрмыстық қатты қалдықтарды тазалау жұмыстары күнделікті кестеге сәйкес атқарылады. Мердігер мекеме көпқабатты тұрғын үйлердің ауласындағы қоқыс контейнерлерін күніне 2 рет, жеке тұрғын үйлердің ауласындағы контейнерлерді аптасына 1 рет тазалап отырады.
Сондай-ақ, көшелер мен аялдамаларды жуу жұмыстары күнделікті 2 аусымдық мерзімде жүргізілуде.
Жалпы бүгінгі тазалық жұмыстарына 20 арнайы техника мен 70 қызметкер жұмылдырылды.
Шымкент қаласы әкімдігінің баспасөз қызметі
